З 31 ліпеня па 2 жніўня адбылася пешая пілігрымка з Друі ў Росіцу. Яе ўзначалілі а. Канстанцін Гушча MIC і дк. Ілля Саўчанка MIC. У гэтым годзе ажно 109 чалавек вырашыла прайсці гэты шлях даўжынёй у 80 кіламетраў.

Тры дні пілігрымы прысвяцілі малітве, спевам, новым знаёмствам і цікавым гутаркам. Хоць часам з-за доўгага шляху фізічныя сілы бываюць амаль на зыходзе, духоўныя сілы ў пілігрымцы толькі аднаўляюцца. “Маліцеся за нас усіх, бласлаўлёныя пакутнікі з Росіцы! Ратуйце нас, будзьце з намі ў агні, у якім сёння мы гарым”, – спяваюць пілігрымы пасля малітвы. Таксама і вясёлыя спевы падбадзёрваюць і выклікаюць усмешкі:”Меня любит Бог, ну а это – ваще!” У пілігрымцы з Друі, як заўжды, вельмі шмат моладзі, дарэчы, самаму малодшаму пілігрыму споўнілася толькі 7 гадоў. Continue reading

Нашы старэйшыя дзеці, якія ўжо скончылі школу і вучацца далей альбо працуюць, з настальгіяй глядзяць на малодшых і ўспамінаюць свае касцёльныя летнікі і “аазісы”. Бо яны сапраўды унікальныя з пункту гледжання больш сталага чалавека. А дарослыя напэўна скажуць, што ў нашых дзяцей непараўнальныя ўмовы для жыцця. Можа не ў кожнага, але ў большасці. Дзкуючы Богу жывём без вайны і голаду.

Continue reading