Будслаў 2018

Штогод 2 ліпеня адзначаецца ўрачыстасць Найсвяцейшай Панны Марыі Будслаўскай, Апякункі Мінска-Магілёўскай архідыяцэзіі. У апошнія гады культ Маці Божай Будслаўскай шырока распаўсюдзіўся па ўсёй нашай краіне, і вернікі нездарма называюць Яе Апякункаю Беларусі.

Цэнтр святкавання – невялікая вёска на поўначы Мінскай вобласці, назва якой — Будслаў — вядомая сёння ва ўсёй Беларусі і нават далёка за яе межамі. Там, сярод лясоў і балотаў, знаходзіцца нацыянальны санктуарый Маці Божай Будслаўскай. Велічны будслаўскі касцёл, адна з самых прыгожых і вялікіх святыняў на нашай зямлі, быў пабудаваны ў XVIII стагоддзі і з’яўляецца малою базылікай. Кожны год у Будслаў ідуць і едуць тысячы пілігрымаў, каб ушанаваць Найсвяцейшую Панну Марыю, папрасіць праз Яе заступніцтва асаблівых ласкаў Божых і прыняць удзел ва ўрачыстым будслаўскім фэсце, які становіцца сапраўдным святам веры адроджанага беларускага Касцёла — старажытнага і адначасова маладога. З матэрыялаў Catholic.by

“Божае Цела”

Урачыстасць Найсвяцейшага Цела і Крыві Хрыста адзначаецца ў чацвер пасля ўрачыстасці Найсвяцейшай Тройцы. Таму што ў чацвер Езус Хрыстус устанавіў сакрамэнт Эўхарыстыі (Вялікі чацвер). Адметнае гэта Свята тым, што ў гэты дзень католікі рыхтуюць урачыстыя працэсіі да чатырох алтароў. Працэсіі называюцца эўхарыстычнымі таму, што святар нясе Найсвяцейшы Сакрамэнт — Цела Хрыста. Слова “Эўхарыстыя” абазначае як саму Святую Імшу, так і Цела і Кроў Хрыста. Узята яно з грэцкай мовы і абазначае падзяку. Як вядома, удзел у Святой Імшы, падчас якой хлеб і віно пераўтвараюцца ў Цела і Кроў Езуса, — найлепшая магчымасць падзякаваць Богу за ўсе дары, атрыманыя ад Яго. Свята Божага Цела мае сваёй мэтай падкрэсліць любоў і пашану вернікаў да Эўхарыстыі.   Фотарэпартаж Я. Лабкоўскага

Першая Святая Камунія

Фотарэпартаж Я. Лабкоўскага

Урачыстасць Маці Божай Фацімскай

Санктуарый Маці Божай Фацімскай сустракае гасцей. На свята прыехалі з парафій Мінску, Барысава, Крупак, Лагойска, Смалявіч, Міёр.         Чытаць далей =>

Адарацыйная працэсія ў першую нядзелю мая


Далей =>

Падзяка ўсім, хто дапамагаў

Самыя прыгожыя кветкі заўсёды плён працы рук чалавечых.

Учора, 16 красавіка, прыбраць тэрыторыю санктуарыя прыйшлі тыя, хто вырашыў частку асабістага часу падарыць сваёй святыні. Напэўна ў дні  добрага вясенняга надвор’я ў кожнага знойдзецца чым заняцца. Але сёння асаблівая падзяка ўсім, хто знаходзіць час і рэгулярна дапамагае падтрымліваць чысціню ў храме і добры выгляд тэрыторыі касцёла. Чытаць далей =>

Дзіцячая св. Імша на Вялікдзень

Гэтая ранішняя Імша напоўніла касцёл галасамі дзяцей. Для іх святкаванне Вялікадня распачалося толькі сёння. Таямніца збаўлення і уваскрасення Хрыста прадстае па-рознаму для кожнага чалавека, асабліва для маленькага. Але атмасферу ўрачыстай радасці і велічнасці падзеі адчувае кожны. Дзеці ўважліва і з цікаўнасцю слухалі казанне святара і разам знаходзілі адказы на розныя пытанні.

Далей>>>>>>