Category: Uncategorized
снеж 21 2019
Пастырскае пасланне на Божае Нараджэнне 2019
Арцыбіскуп Тадэвуш Кандрусевіч
Глыбокапаважаныя святары, кансэкраваныя асобы, браты і сёстры, дарагія суайчыннікі!
1. «Хрыстус нарадзіўся, Бог аб’явіўся».
Гэтыя словы сёння на нашых вуснах, яны гучаць у нашых вушах, бо зноў мы святкуем радаснае і збаўчае свята Божага Нараджэння. Яно ў нашым календары заўсёды застаецца нязменным і ўваходзіць у нашыя жыццёвыя планы. Нам, хрысціянам, цяжка ўявіць сабе жыццё без гэтага свята, якое найперш павінна насіць духоўны характар.
Разам з тым у апошнія часы праяўляюцца тэндэнцыі больш вонкавай, чым духоўнай, падрыхтоўкі да яго і святкавання. Светам валодаюць грошы, дух спажывальніцтва і няправільна зразуметая свабода. Гандлёвыя цэнтры яшчэ перад Адвэнтам распачынаюць святочны распродаж, і мы вельмі лёгка паддаемся на гэтую спакусу. Усё гэта вядзе да таго, што shopping — «закупкі», матэрыяльныя справы і застоллі займаюць больш важнае месца, чым духоўныя рэчы.
снеж 08 2019
Рэкалецыі. Апошні дзень.
Вялікі дзякуй Вам, а. Андрэй за цікавыя, змястоўныя рэкалекцыі.
снеж 06 2019
Ксёндз Андрэй Рылка ў Жодзіна. Сардэчна вітаем!
снеж 01 2019
Пасланне арцыбіскупа
ПРЫЙДЗІ, ПАНЕ ЕЗУ, І ПЕРАМЯНІ НАШЫЯ СЭРЦЫ
Пасланне арцыбіскупа Тадэвуша Кандрусевіча на Адвэнт 2019 года
Глыбокапаважаныя святары, кансэкраваныя асобы, браты і сёстры!
1. З Божай ласкі Адвэнтам мы распачынаем чарговы літургічны год. Слова «Адвэнт» мае лацінскае паходжанне і азначае «прыйсце». Для нас, веруючых католікаў, Адвэнт — гэта час чакання прыйсця Збаўцы. У першую нядзелю гэтага перыяду Касцёл распачынае чатырохтыднёвую падрыхтоўку да святаў Божага Нараджэння. Колер літургічных адзенняў у Адвэнце фіялетавы, які нагадвае пра асаблівае вымярэнне гэтага часу, а менавіта навяртанне, што вельмі добра падкрэслівае літургія слова Першай нядзелі Адвэнту. Сённяшнія імшальныя чытанні акцэнтуюць неабходнасць абудзіцца, чуваць і быць гатовым да прыйсця Збаўцы (гл. Рым 13, 11–14; Мц, 37–44).
Дзякуем за падтрымку
