Дек 21 2018

Рараты

Адвэнт, час посту і радаснага чакання, праз некалькi дзён завяршыцца святкаваннем Божага Нараджэння. Ў гэты перыяд ў Каталiцкiм Касцёле праходзяць асаблiвыя Святыя Iмшы — Рараты, прысвечаныя ўшанаванню Найсвяцейшай Панны Марыi. Такiя набажэнствы адбываюцца i ў нашай парафii, традыцыйна ранiцай а 6 гадзіне, а таксама i увечары, каб як мага больш дзяцей змаглi прыйсцi i ўдзельнiчаць у гэтай Iмшы.
I Адвэнт, i Вялiкi пост нiколi не абыходзяцца без парафіяльных рэкалекцый. У гэтым годзе да нас завітаў а. Павел Падмышанiн з г. Барысава. Праз слуханне Божага Слова з яго вуснаў i удзел у Святой Iмшы рыхтуем нашыя сэрцы да годнага перажывання свята Божага Нараджэння!