Май 04 2023
Турнір міністрантаў
Турнір міністрантаў, ужо 18-ы, прайшоў у санктуарыі Фацімскай Божай Маці, дзе сардэчна віталі каманды каталіцкіх парафій з сямі гарадоў нашай краіны – Глыбокага, Докшыц, Маладзечна, Баранавіч, Мінска, Оршы, Барысава. Удзельнічалі ў спаборніцтве і міністранты з нашага касцёла.
Гэтым разам турнір праходзіў па крыху змененай схеме, чым раней. Так, міністранты змагаліся за перамогу ў пяці дысцыплінах – біблійных і літургічны ведах, настольным футболе, дартсе, FIFA 2019, міні-футболе на новенькім полі каля нашага касцёла.
Зразумела, міністранты прынялі ўдзел у Святой Імшы, якую цэлебраваў ксёндз Канстанцін Анашка МІС.
крас 14 2023
“Міласэрнасць Божая ў маёй душы”
Фаустына Кавальская беатыфікавана ў Рыме18 красавіка1993 года Святым Айцом Янам Паўлам II, і кананізавана 30 красавіка 2000 года. Тады ж было ўсталявана літургічнае Свята Божай Міласэрнасці.
Але глыбей пазнаёміцца з гэтай тэмай немагчыма без “Дзённіка” святой Фаустыны. У выдавецтве «Pro Christo» ўпершыню на беларускай мове выдадзены пераклад Крыстыны Лялько.
7 красавіка 2002 года арцыбіскуп Тадэвуш Кандрусевіч, які ў той час служыў у Расіі, прэзэнтаваў рускамоўны варыянт Дзённіка.
Хто пачынаў чытаць, той ужо не змог адарвацца, не дачытаўшы да апошняй літары.
Дзякуем за падтрымку
