Прэзідыум Легіёна Марыі Маці Божай Фацімскай заснаваны пры нашай парафіі 17 ліпеня 2005 года. Яго заснаванню пасадзейнічала Марына Мартыненка (вечнай памяці) – легіянер з Маладзечна.
Першымі легіянерамі былі Зінаіда Зелянкевіч, Аліна Бабок, Яніна Шаркевіч, Ванда Мацкевіч, Гэнуэфа Сямашка і ўжо вечнай памяці Ядзвіга Герыловіч і Соф’я Мікуловіч.
Наследуючы пакору Беззаганнай Маці, лігіянеры ідуць з Ёю на заданне, каб кожную душу прывесці да Хрыста. Ідуць да хворых, каб падрыхтаваць дарогу святару, які прынясе Езуса ў Святой Камуніі.
Змагаюцца яны і за жыццё ненароджанных дзяцей. Распаўсюджваюць буклеты ў генекалагічным аддзяленні паліклінікі пра небяспеку аборту, важнасці захавання кожнага жыцця , размаўляюць з жанчынамі.
Легіянеры пашыраюць ушанаванне Беззаганнай Дзевы Марыі, Пасрэдніцы ўсіх ласкаў, распаўсюджваючы цудатворны медалік Найсвяцейшай Панны Марыі.
Можна смела сказаць, што праз заступніцтва Яна Хрысціцеля (аднаго з апекуноў Легіёна Марыі) яны прастуюць сцежкі да Пана.
(падрыхтаваў В.Станчык)
Да 20-годдзя прэзідыума Легіёна Марыі Маці Божай
Фацімскай у Жодзіна ад Яўгеніі Чакур
Калі ідуць легіянеры
І навучаюць Божай веры,
Любові Божай і дабру,
Тады заўжды глядзі Ўгару,
Бо там і ёсць галоўна царства –
Мара – Божае валадарства.
Віншуе курыя сардэчна
Сясцёр і брата, што навечна
Пакінулі ў сваёй святыні
Сляды адданасці краіне,
І ў сэрцы вернікаў любоў
Да Божай ласкі і сяброў,
За дапамогу святарам,
Каб напаўняуся Божы храм.
Жадаем ўсім легіянерам,
Апекі Маці Божай, веры,
Здароўя, цвёрдасці і моцы
У гэтай важнае рабоце.
Усім зычыць Легіён Марыі
Спакою, радасці і міру.
